Մադրիդի «Ռեալի» վինգեր Ռոդրիգո Գոեսը մեկնաբանել է Սաուդյան Արաբիայի ակումբներից իր նկատմամբ հետաքրքրության մասին լուրերը։
Ավելի վաղ հաղորդվում էր, որ «Ալ-Հիլալը» բրազիլացի ֆուտբոլիստին առաջարկել է 140 միլիոն եվրո աշխատավարձ։
«Ես շատ բան չգիտեմ առաջարկների մասին, հայրս, ով իմ գործակալն է, պետք է իմանա։ Ես շատ երջանիկ եմ Մադրիդում։ Ես շատ երջանիկ եմ և ցանկանում եմ երկար տարիներ մնալ այստեղ, և ես շնորհակալ եմ ակումբին», – Ռոդրիգոյի խոսքերն է մեջբերում Marca-ն։
Այս մրցաշրջանում Ռոդրիգոն բոլոր մրցաշարերում անցկացրել է 31 հանդիպում՝ դառնալով 12 գոլի և 8 գոլային փոխանցման հեղինակ։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2028 թվականի ամառը։
