Մադրիդի «Ռեալի» գլխավոր մարզիչ Կառլո Անչելոտտիի և ակումբի նախագահ Ֆլորենտինո Պերեսի միջև տարաձայնություններ են ծագել։ Այս մասին հայտնում է Relevo-ն։
Ըստ աղբյուրի՝ գլխավոր մարզիչը ցանկանում է ավելի շատ խաղաժամանակ տրամադրել խորվաթ կիսապաշտպան Լուկա Մոդրիչին։ Պերեսը չի աջակցում իտալացու այս նախաձեռնությանը։ «Սերուցքայինների» ղեկավարությունը կարծում է, որ 39-ամյա կիսապաշտպանն այլևս կարևոր օղակ չէ թիմում։
Մոդրիչը Մադրիդի «Ռեալում» հանդես է գալիս 2012 թվականի օգոստոսից։ Ֆուտբոլիստի աշխատանքային պայմանագիրը մադրիդյան գրանդի հետ ավարտվում է 2025 թվականի հունիսի վերջին։ Մոդրիչի տրանսֆերային արժեքը գնահատվում է հինգ միլիոն եվրո։
