Օրեր առաջ «Բարսելոնայի» գլխավոր մարզիչ Հանս-Դիտեր Ֆլիկը և թիմի դարպասապահ Ինյակի Պենյան լարված զրույց են ունեցել, որից հետո իսպանացի ֆուտբոլիստը տխուր է մնացել։ Այս մասին հայտնում է Sport.es-ը։
Աղբյուրի համաձայն, Պենյան Ֆլիկից բացատրություն է ցանկացել, թե ինչու է կորցրել իր տեղը «բլաուգրանայի» մեկնարկային կազմում։ Գերմանացի մասնագետը պատասխանել է, որ 25-ամյա դարպասապահը բավարար ինքնաքննադատություն չի ցուցաբերում, և որպես օրինակ բերեց Պենյայի՝ Բիլբաոյի «Ատլետիկի» հետ Իսպանիայի Սուպերգավաթի կիսաեզրափակիչ խաղից առաջ ուշանալու իրավիճակը։
Ընդգծվում է, որ Ֆլիկը հայտնաբերել է նաև այլ իրավիճակներ, երբ ֆուտբոլիստը խախտել է կարգապահությունը։
Ինյակի Պենյան դարձավ «Բարսելոնայի» առաջին ընտրված դարպասապահը այն բանից հետո, երբ Մարկ-Անդրե տեր Շտեգենը լուրջ վնասվածք ստացավ, սակայն վերջին խաղերում դարպասապահը պահեստայինների նստարանին էր։
