Ժերար Պիկեն հեգնանքով  է մեկնաբանել Մադրիդի «Ռեալի» բողոքը Լա Լիգայում մրցավարության դեմ։

Ավելի վաղ Մադրիդի «Ռեալը» պաշտոնապես բողոքել էր Իսպանիայի Արքայական ֆուտբոլի ֆեդերացիային (RFEF) Լա Լիգայի «Էսպանյոլի» հետ հանդիպման (0:1) մրցավարությունից, կոչ էր արել ամբողջովին վերանայել իսպանական մրցավարական համակարգը և մրցավարներին մեղադրել «ակումբին բազմիցս վնասելու» մեջ։

«Այս հայտարարությունը ծիծաղելի է, 120 տարի է սա անում են։ Նրանք դա անում են, երբ ինչ-որ բան այն չէ, մենք սովոր ենք դրան: Մադրիդի պատմության լավագույն գոլը (Պրեդրագ Միյատովիչի գոլը «Յուվենտուսի» դեմ Չեմպիոնների լիգայի 1997/98-ի եզրափակչում) խփվել է խաղից դուրս դիրքից, և ոչ մի հավակնություն չի եղել»,- ասել է «Բարսելոնայի» նախկին պաշտպանը։