Հայտնի է դարձել, թե ինչ գումարով կարող են գնել «Բարսելոնայի» պաշտպան Ռոնալդ Արաուխոյի տրանսֆերը։

Ինչպես տեղեկացնում է Diario Sport-ը, Արաուխոյի՝ «Բարսելոնայի» հետ նոր պայմանագրում 65-70 միլիոն եվրո գնման կետ է նախատեսված: Սակայն դա չի վերաբերում Չեմպիոնների լիգայում «Բարսելոնայի» անմիջական մրցակիցներին, հաղորդում է աղբյուրը։

Նշվում է, որ Արաուխոյին առանց կատալոնացիների հետ բանակցությունների կարող են գնել միայն Սաուդյան Արաբիայի ակումբները, ինչպես նաև Անգլիայի Պրեմիեր լիգայի որոշ թիմեր։

Այս մրցաշրջանում 25-ամյա ուրուգվայցին բոլոր մրցաշարերում մասնակցել է 7 հանդիպման, դարձել մեկ գոլի և մեկ գոլային փոխանցման հեղինակ։