ՊՍՎ-ն իր պաշտոնական կայքում հայտնել է «Մանչեսթեր Յունայթեդից» պաշտպան Տիրել Մալասիայի հետ վարձակալության պայմանագիր կնքելու մասին։

Ինչպես հայտնում է ինսայդեր Ֆաբրիցիո Ռոմանոն, համաձայնագիրը ներառում է ֆուտբոլիստի իրավունքները 10 միլիոն եվրոյով գնելու տարբերակ: Անգլիական ակումբը կհոգա նաև 25-ամյա հոլանդացու աշխատավարձի մի մասը և կստանա նաև ֆուտբոլիստի ապագա հնարավոր վաճառքի 30 տոկոսը։

Այս մրցաշրջանում Մալասիան բոլոր մրցաշարերում մասնակցել է 9 հանդիպման և արդյունավետ գործողություններով աչքի չի ընկել։ Transfermarkt պորտալը ֆուտբոլիստի արժեքը գնահատում է 15 միլիոն եվրո: