«Միլանի» պաշտպան Դավիդե Կալաբրիան տեղափոխվել է «Բոլոնիա»։
28-ամյա աջ պաշտպանը վարձավճարով հանդես կգա «Բոլոնիայում» մինչև այս մրցաշրջանի ավարտը։
Այս մրցաշրջանում Դավիդե Կալաբրիան Ա Սերիայում անցկացրել է 7 հանդիպում։
Նա «Միլանի» ակադեմիայի սան է և իր դեբյուտը Ա Սերիայում նշել է թիմի կազմում 2014/15 մրցաշրջանի վերջում և այդ ժամանակից ի վեր միայն հանդես է եկել միլանյան ակումբում։
Նրա պայմանագիրը «Միլանի» հետ նախատեսված է մինչև 2025-թվականի ամառ:
