«Մանչեսթեր Յունայթեդը» տարբերակներ է ուսումնասիրում թիմն ուժեղացնելու համար: Ինչպես իր էջերում հայտնում է Fichajes-ը, «կարմիր սատանաները» հետաքրքրություն են ցուցաբերում Մադրիդի «Ռեալի» հարձակվողական ոճի կիսապաշտպան Բրահիմ Դիասի նկատմամբ։
Անգլիական ակումբը կարծում է, որ Դիասը կրեատիվություն կհաղորդի առջեւի գծին։ Աղբյուրի տեղեկություններով՝ անգլիական Պրեմիեր լիգայի ակումբն առաջարկ է պատրաստում 25-ամյա Դիասի համար։
Կոնկրետ թվեր չեն նշվել, սակայն նշվել է, որ առաջարկը «խոշոր» է լինելու։ Transfermarkt հեղինակավոր պորտալի փորձագետները Բրահիմ Դիասին գնահատում են 35 մլն եվրո։ Ֆուտբոլիստի պայմանագիրը Մադրիդում նախատեսված է մինչև 2027 թվականի կեսերը:
