«Պարի Սեն Ժերմենի» նախագահ Նասեր Ալ-Խելաիֆին կտրուկ պատասխանել է Մադրիդի «Ռեալի» հարձակվող Կիլիան Մբապպեի մասին լրագրողի հարցին, ով նախկինում հանդես է եկել փարիզցիների կազմում։
Ֆրանսիացի հարձակվողը մադրիդյան ակումբին միացել է անցած ամառ՝ անվճար տրանսֆերով։
«Գիտեք, դուք խնդիրներ եք փնտրում: Ես խոսում եմ միայն իմ ֆուտբոլիստների մասին։ Եթե ուզում եք ինձ հարց տալ, հարցրեք ՊՍԺ-ի ֆուտբոլիստների մասին», – Նասեր Ալ-Խելաիֆի խոսքերն է մեջբերում ֆրանսիական RMC Sport-ը։
Նախօրեին ՊՍԺ-ն ՈՒԵՖԱ-ի Չեմպիոնների լիգայի ընդհանուր փուլի 7-րդ տուրում հաղթել էր «Մանչեսթեր Սիթիին» (4:2): Յոթ տուրից հետո փարիզցիներն ունեն 10 միավոր և զբաղեցնում են 23-րդ տեղը։ «Մանչեսթեր Սիթին» ունի ութ միավոր և զբաղեցնում է 25-րդ տեղը:
