«Բարսելոնայում» շարունակվում են քննարկումները թիմի հարձակվող Ռոբերտ Լևանդովսկու շուրջ։ Լեհը դեռ կանոնավոր կերպով գոլեր է խփում, սակայն ամռանը նա կդառնա 37 տարեկան, և կատալոնացիները կցանկանային հարձակման առաջնագծում ունենալ ավելի երիտասարդ ֆուտբոլիստի։
Ինչպես հայտնում է իսպանական Sport-ը, «Բարսելոնային» առաջարկվել է Դուշան Վլահովիչի թեկնածությունը։ Սերբի պայմանագիրը «Յուվենտուսի» հետ նախատեսված է մինչև 2026 թվականի կեսերը, ինչը թույլ է տալիս կատալոնական ակումբին գնել հարձակվողին ավելի մատչելի արժեքով։
«Բարսելոնան» կարծում է, որ Վլահովիչը, ով հունվարի վերջին դառնում է 25 տարեկան, համապատասխանում է Հանս-Դիտեր Ֆլիկի խաղաոճին։
Transfermarkt պորտալը ֆուտբոլիստին գնահատում է 60 միլիոն եվրո։
