Հայտնի է դարձել, թե ինչպես է Մադրիդի «Ռեալը» վերաբերվում թիմի մարզիչ Կառլո Անչելոտտիի հնարավոր հրաժարականին։

Ինչպես հայտնում է Marca-ն, «արքայական» ակումբի անձնակազմը լուրջ չի վերաբերվում իտալացի մասնագետի հեռանալու գաղափարին։ «Սերուցքայինների» ներկայիս նախագիծն ուղղված է Անչելոտտիի հետ երկարաժամկետ համագործակցությանը։

Իսպանական թոփ-ակումբը չի ցանկանում վաղաժամկետ խզել պայմանագիրը, որը նախատեսված է մինչև 2026 թվականի կեսերը։ Ավելի վաղ մամուլը տեղեկություն էր տարածել, որ իտալացի մարզիչը 2024/2025 մրցաշրջանի ավարտին կարող է լքել մադրիդյան գրանդի գլխավոր մարզչի պաշտոնը։