«Չելսիի» կիսապաշտպան Չեզարե Կասադեյը մոտ է հայրենիք վերադառնալուն։ Իտալացուն ձեռք բերելով հետաքրքրված է «Լացիոն»։

Ըստ ինսայդեր Ֆաբրիցիո Ռոմանոյի՝ հռոմեացիները 22-ամյա ֆուտբոլիստի համար առաջարկել են 13 միլիոն եվրո՝ գումարած ապագա վերավաճառքի տոկոսը: «Չելսին» վերջնական որոշում կկայացնի մինչև այս շաբաթվա վերջ։

Չեզարե Կասադեյը միացել է «Չելսիին» 2022 թվականի ամռանը՝ տեղափոխվելով Միլանի «Ինտերից»: Տրանսֆերն անգլիական գրանդին արժեցել է գրեթե 15 միլիոն եվրո։