«Մանչեսթեր Սիթիի» գլխավոր մարզիչ Պեպ Գվարդիոլան բացատրել է, թե ինչու «քաղաքայինները» չեն կարողանում պայմանագիր կնքել Մադրիդի «Ռեալի» հարձակվող Կիլիան Մբապպեի հետ։
«Աստղային հարձակվողները մեզ մոտ չեն գա Հոլանդին փոխարինելու համար։ Մենք պետք է գտնենք երիտասարդ ֆուտբոլիստի, ով կստանձնի այդ դերը, կամ այնպիսի ֆուտբոլիստի, ինչպիսին Բոբն է, ՄակԱթին, Ֆոդենը։
Թերևս առանց Էրլինգի մենք այլ կերպ կխաղանք՝ «կեղծ իննով», խորքից վազքով։ Մենք լուծում կգտնենք։ Բայց մենք չենք կարող գնալ և գնել, օրինակ, Մբապպեին»,- Գվարդիոլայի խոսքը մեջբերում է BeanymanSports-ը։
Անցկացրած 22 խաղից հետո «Մանչեսթեր Սիթին» Պրեմիեր Լիգայի մրցաշարային աղյուսակի չորրորդ տեղում է՝ 38 միավորով։
