Կիսապաշտպան Անդրեաս Պերեյրան, ով հանդես է գալիս Լոնդոնի «Ֆուլհեմում», կցանկանար իր թիմում տեսնել «Մանչեսթեր Յունայթեդի» և Թուրինի «Յուվենտուսի» նախկին կիսապաշտպան Պոլ Պոգբային։
Tribal Football-ի լրագրողների տեղեկությունների համաձայն՝ «Ֆուլհեմի» մամուլի ծառայության հետ զրույցում Պերեյրան հայտարարել է, որ «Ֆուլհեմը» պետք է փորձի պայմանագիր կնքել ֆրանսիացու հետ։
Հիշեցնենք, որ Պոգբայի դոպինգային որակազրկումը կրճատվել է, և նա կարող է խաղադաշտ վերադառնալ մարտին։ Անգլիայի Պրեմիեր լիգայի 22 տուրից հետո լոնդոնյան ակումբն ունի 33 միավոր եւ զբաղեցնում է մրցաշարային աղյուսակի տասներորդ տեղը։
«Ֆուլհեմի» հաջորդ տնային խաղը «Մանչեսթեր Յունայթեդի» դեմ է:
