Կիրակի օրը Մադրիդի «Ռեալը» Իսպանիայի առաջնության տնային հանդիպում կանցկացնի «Լաս Պալմասի» հետ։
Մադրիդյան թիմի գլխավոր մարզիչ Կառլո Անչելոտին որոշել է առաջին րոպեներից խաղադաշտ դուրս բերել հետևյալ կազմը՝ Տիբո Կուրտուա, Լուկաս Վասկես, Ռաուլ Ասենսիո, Անտոնիո Ռուդիգեր, Ֆրան Գարսիա, Ֆեդերիկո Վալվերդե, Դանի Սեբալյոս, Ջուդ Բելինգհեմ, Բրահիմ Դիաս, Ռոդրիգո, Կիլիամ Մբապե։
Նշենք, որ հարձակվող Վինիսիուս Ժունիորը որակազրկման պատճառով չի ընդգրկվել Մադրիդի «Ռեալի» հայտացուցակում։
Էդեր Միլիտաոն, Դանի Կարվախալը, Աուրելիեն Չուամենին և Էդուարդո Կամավինգան վնասվածքներ են ստացել։ Լուկա Մոդրիչը նույնպես հայտացուցակում չէ:
