«Արսենալի» գլխավոր մարզիչ Միկել Արտետան խոսել է Պրեմիեր Լիգայի 22-րդ տուրի՝ «Ասթոն Վիլայի» հետ կայացած ոչ-ոքիի մասին (2:2):
«Ես աներևակայելի հպարտ եմ իմ թիմով, կարծում եմ, որ դա հիանալի խաղ էր: Նման թիմի դեմ, ինչ ցույց տվեցին, վեց օրում երեք խաղից հետո, նույն ֆուտբոլիստներով, առանց փոխարինման հնարավորության, ես չէի կարող ավելի հպարտ լինել։ Իհարկե, ես շատ հիասթափված եմ արդյունքից։
Ակնհայտ է, որ մենք կարող ենք մեղադրել մեզ, հատկապես դրվագներից մեկում ցուցադրած պաշտպանության պատճառով։ Եթե ցանկանում ենք այս երկրում լինել ամենաբարձր մակարդակի վրա, ապա նման սխալները մեր խաղի մաս չեն կարող լինել։
Բայց բացի դրանից ուրիշ ի՞նչ կարող եմ խնդրել թիմից նման ուժեղ մրցակցի դեմ խաղում», – Արտետայի խոսքերը մեջբերում է «Արսենալի» պաշտոնական կայքը։
Հիշեցնենք, որ «Արսենալը» 44 միավորով երկրորդն է Պրեմիեր լիգայի մրցաշարային աղյուսակում։
