«Մանչեսթեր Յունայթեդը» հետաքրքրված է Դորտմունդի «Բորուսիայի» վինգեր Ջեյմի Բայնո-Գիտենսի ծառայություններով: Այս մասին հայտնում է Daily Express-ը։
Աղբյուրի համաձայն՝ «կարմիր սատանաները» մտադիր են մոտ ժամանակներս մտնել 20-ամյա վինգերի համար պայքարի մեջ։ Ավելի վաղ հաղորդվում էր, որ ֆուտբոլիստով հետաքրքրված է նաև Մյունխենի «Բավարիան»:
Այս մրցաշրջանում Բայնո-Գիտենսը բոլոր մրցաշարերում մասնակցել է 26 հանդիպման՝ դառնալով 11 գոլի և 5 գոլային փոխանցման հեղինակ։
Անգլիացու գործող աշխատանքային պայմանագիրը «Բորուսիայի» հետ նախատեսված է մինչև 2028 թվականի ամառը։ Transfermarkt-ի փորձագետները ֆուտբոլիստի արժեքը գնահատում են 50 միլիոն եվրո:
