«Սպորտինգի» կենտրոնական հարձակվող Վիկտոր Գյոկերեսը կարող է կարիերան շարունակել Պրեմիեր Լիգայում։ Այս մասին հայտնում է Independent-ը։

Աղբյուրի տեղեկություններով՝ «Մանչեսթեր Յունայթեդի» ղեկավարությունը մտադիր է ընդհատել Լոնդոնի «Արսենալի» ծրագրերը ֆուտբոլիստի հետ կապված։ «Կարմիր սատանաները» մտադիր են 2025 թվականի ամռանը համալրել իրենց կազմը շվեդ հարձակվողով։

Այս մրցաշրջանում Գյոկերեսը մասնակցել է 30 հանդիպման, դառնալով՝ 32 գոլի և 6 գոլային փոխանցման հեղինակ։ Ֆուտբոլիստի պայմանագիրը ավարտվում է 2028 թվականին։