«Բրենտֆորդի» հարձակվող Յոհան Վիսան կարող է կարիերան շարունակել Պրեմիեր Լիգայի թոփ-ակումբում։ Այս մասին հայտնում է The Telegraph-ը։

Աղբյուրի համաձայն՝ հարձակվողի ծառայություններով հետաքրքրված է Լոնդոնի «Արսենալը»։ «Զինագործները» 28-ամյա հարձակվողին դիտարկում են որպես բրազիլացի Գաբրիել Ժեզուսին փոխարինող, ով վնասվածքի պատճառով դուրս է մնացել։

Ընթացիկ մրցաշրջանում Վիսան «Բրենտֆորդի» կազմում անցկացրել է 22 հանդիպում։ Հարձակվողը դարձել է 12 գոլի և 2 գոլային փոխանցման հեղինակ։ Նրա պայմանագիրը նախատեսված է մինչև 2026 թվականի կեսերը։