Մադրիդի «Ռեալը» գրեթե համաձայնության է եկել Մյունխենի «Բավարիայի» պաշտպան Ալֆոնսո Դևիսի հետ՝ ազատ գործակալի կարգավիճակով ամառային տրանսֆերի համար։ Այս մասին հայտնում է Marca-ն։

Ըստ աղբյուրի՝ կողմերը բանավոր համաձայնության են եկել անձնական պայմանագրի պայմանների շուրջ։

Նշենք, որ Դևիսի գործող պայմանագիրը «Բավարիայի» հետ ավարտվում է 2025 թվականի հունիսի 30-ին։ Այս մրցաշրջանում 24-ամյա կանադացին բոլոր մրցաշարերում անցկացրել է 23 հանդիպում՝ դառնալով մեկ գոլի և երեք գոլային փոխանցման հեղինակ։