«Մանչեսթեր Սիթին» աշխատում է «Յուվենտուսի» ձախ պաշտպան Անդրեա Կամբիասոյի տրանսֆերի վրա։ «Քաղաքայինները» պատրաստ են 24-ամյա ֆուտբոլիստին մինչև 2030 թվականը պայմանագիր առաջարկել՝ տարեկան 6 միլիոն եվրո աշխատավարձով։ Այս մասին հայտնում է Sky Sport-ը։
Ըստ աղբյուրի՝ պաշտոնական առաջարկ դեռ չի արվել, սակայն ակումբների միջև բանակցությունները կսկսվեն մոտ ժամանակներս։ Թուրինյան ակումբը ֆուտբոլիստի համար պահանջում է մոտ 75 միլիոն եվրո։ Գործարքը կարող է կայանալ կամ այս ամիս, կամ ամռանը։
Transfermarkt-ը ֆուտբոլիստի արժեքը գնահատում է 40 միլիոն եվրո։ Իտալացին այս մրցաշրջանում Տիագո Մոտտայի թիմի կազմում անցկացրել է 25 հանդիպում՝ դառնալով երկու գոլի և մեկ գոլային փոխանցման հեղինակ։
