Ուկրաինացի մարզիչները պրակտիկա են սկսել անգլիական «Մանչեսթեր Սիթի» ֆուտբոլային ակումբում։ Այս մասին հայտնել է Ուկրաինայի ֆուտբոլի ասոցիացիան (UAF) X սոցիալական ցանցում:
UAF-ը չի հրապարակել «Մանչեսթեր Սիթիում» մարզվող մասնագետների թիվը, ինչպես նաև նրանց անունները։
«Քաղաքայինների» գլխավոր մարզիչն է Պեպ Գվարդիոլան, նրա գլխավորությամբ «Մանչեսթեր Սիթին» վեց անգամ դարձել է Անգլիայի չեմպիոն, նվաճել ներքին գավաթները, ինչպես նաև դարձել է ՈւԵՖԱ-ի Չեմպիոնների լիգայի և ՖԻՖԱ-ի աշխարհի ակումբային առաջնության հաղթող։
Այսօրվա դրությամբ «Քաղաքայինները» Անգլիայի Պրեմիեր լիգայի մրցաշարային աղյուսակում զբաղեցնում են վեցերորդ տեղը։ «Սիթին» առաջատար «Լիվերպուլից» հետ է մնում 12 միավորով:
