«Սևիլիայի» պաշտպան Կիկե Սալասը ձերբակալվել է Լա Լիգայի հանդիպումներում դիտավորյալ դեղին քարտ ստանալու համար։ Այս մասին հայտնում է El Confidencial-ը։

Ըստ աղբյուրի՝ անցած մրցաշրջանում Իսպանիայի առաջնության վերջին ութ հանդիպումներում Սալասը 7 դեղին քարտ է ստացել։ Ոստիկանությունը ապացույցներ ունի, որ ֆուտբոլիստը դա միտումնավոր է արել։ Նրա ընկերները խաղադրույքներ են շահել՝ գուշակելով նրա ստացած դեղին քարտերի քանակը։

22-ամյա պաշտպանին սպառնում է մինչև երեք տարվա ազատազրկում։