«Ատլետիկոն» հույսեր չի կապում ֆուտբոլիստներից Թոմա Լեմարի հետ։ Ինչպես հայտնում է AS-ը, մադրիդյան ակումբը ցանկանում է, որ հարձակվողական ոճի կիսապաշտպան Թոմա Լեմարը հեռանա ակումբից ձմեռային տրանսֆերային պատուհանի ժամանակ։

«Ատլետիկոյում» ցանկանում են 29-ամյա ֆուտբոլիստին վարձավճարով բաց թողնել և նույնիսկ պատրաստ կլինեն վճարել նրա աշխատավարձի մի մասը։

2024/2025 մրցաշրջանում Լեմարը «Ատլետիկոյի» ընդամենը երկու հանդիպման է մասնակցել։ Ֆրանսիացին մկանային խնդիրների պատճառով չի կարողանում իր ամբողջ ներուժն օգտագործել ակումբի համար։

Լեմարի գործող պայմանագիրը նախատեսված է մինչև 2027 թվականի կեսերը: Transfermarkt հեղինակավոր պորտալի փորձագետները խաղացողին գնահատում են 5 միլիոն եվրո։