Հարձակողական ոճի կիսապաշտպան Խվիչա Կվարացխելիան ցանկություն է հայտնել հեռանալ «Նապոլիից» և տեղափոխվել այլ թիմ։ Վրացին, հնարավոր է, որ կարիերան շարունակի ՊՍԺ-ում։

Ինչպես հայտնում են իտալական լրատվամիջոցները, նեապոլցիները որպես Կվարացխելիայի փոխարինող նշել են «Մանչեսթեր Յունայթեդից» Ալեխանդրո Գառնաչոյին:

Ռուբեն Ամորիմի գալուց հետո արգենտինացու դիրքերը «Օլդ Թրաֆորդում» սասանվել են, և նա դեմ չէր լինի փոխել ակումբը։ Sportitalia-ի տեղեկություններով՝ «Նապոլին» պատրաստ է Գառնաչոյի համար 50 միլիոն եվրոյի առաջարկ անել։

Սա այն գինն է, որը 20-ամյա արգենտինացու համար գնահատում են Transfermarkt հեղինակավոր պորտալի փորձագետները։