«Բարսելոնան» դիտարկում է կազմն ուժեղացնելու տարբերակները։ Ինչպես հաղորդում է Transfer News Live-ը՝ հղում անելով Mundo Deportivo-ին, կատալոնական ակումբը ցանկանում է պայմանագիր կնքել Ալեքսանդր Իսակի հետ։

Նշվում է, որ «Բարսելոնան» կկարողանա ձեռք բերել Իսակին միայն այն դեպքում, եթե դա թույլ տա ֆինանսական վիճակը: 2024/2025 մրցաշրջանում Ալեքսանդր Իսակը անցկացրել է 22 հանդիպում՝ դառնալով 15 գոլի և 4 գոլային փոխանցման հեղինակ։

Transfermarkt հեղինակավոր պորտալը 25-ամյա Իսակին գնահատում է 75 միլիոն եվրո։ Կիրակի Իսպանիայի Սուպերգավաթի եզրափակչում «Բարսելոնան» կխաղա Մադրիդի «Ռեալի» հետ։