ՊՍԺ-ն պատրաստ է բաժանվել հարձակվողական ոճի կիսապաշտպան Մարկո Ասենսիոյից։ Այս ֆոնին երեք ակումբներ հետաքրքրություն են ցուցաբերում 28-ամյա ֆուտբոլիստի նկատմամբ:

Այսպիսով, Ասենսիոյին իրենց շարքերում ցանկանում են տեսնել անգլիական «Աստթոն Վիլան», իտալական «Յուվենտուսը» և իսպանական «Ռեալ Սոսյեդադը»։

Այս մասին հաղորդում է Transfer News Live-ը՝ վկայակոչելով FootMercato-ն։

2024/2025 մրցաշրջանում Ասենսիոն մասնակցել է 15 պաշտոնական հանդիպման, որոնցում դարձել է երկու գոլի և չորս գոլային փոխանցման հեղինակ։

Transfermarkt հեղինակավոր պորտալի փորձագետները ֆուտբոլիստին գնահատում են 20 մլն եվրո։ Մարկո Ասենսիոյի գործող պայմանագիրը նախատեսված է մինչև 2026 թվականի կեսերը: