«Մանչեսթեր Յունայթեդը» դիտարկում է Պորտուգալիայի և «Սպորտինգի» կենտրոնական պաշտպան Գոնկալո Ինասիոյի վարձակալությունը: Այս մասին հայտնում է Maisfutebol-ը։
Աղբյուրի փոխանցմամբ՝ «կարմիր սատանաները» ցանկանում են, որ այս գործարքում ներառվի պորտուգալացի ֆուտբոլիստին 40 միլիոն եվրոյով գնելու իրավունքը։ Ընդգծվում է, որ Դորտմունդի «Բորուսիան» կարող է լինել «Մանչեսթեր Յունայթեդի» մրցակիցը 23-ամյա Ինասիոյի համար պայքարում։
Այս մրցաշրջանում Ինասիոն բոլոր մրցաշարերում անցկացրել է 20 հանդիպում՝ դառնալով 3 գոլի և 3 գոլային փոխանցման հեղինակ։
Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 45 միլիոն եվրո։
