Ֆեդերիկո Վալվերդեին հիշեցրել են Ռոնալդ Արաուխոյի խոսքերը «Բարսելոնայի» «նոր դարաշրջանի» մասին։
2023 թվականի հունվարին, երբ «Բարսելոնան» Իսպանիայի Սուպերգավաթի խաղում 3:1 հաշվով հաղթեց Մադրիդի «Ռեալին», կատալոնացիների պաշտպան Ռոնալդ Արաուխոն հանդերձարանի ճանապարհին բղավեց. «Սա նոր դարաշրջանի սկիզբ է»։
Այսօր մադրիդցիները Սուպերգավաթի եզրափակչում կրկին կհանդիպեն կատալոնացիների հետ։
«Կարծում եմ, որ եթե հաղթենք, կշարունակենք ապացուցել, որ «Ռեալն» աշխարհի լավագույն թիմն է։
Մենք վատ խաղեր ունենք անցկացրած, բայց ի վերջո մենք այն թիմն ենք, որը հաղթում է ամեն ինչ, տիտղոսներ է նվաճում»,- ասել է Մադրիդի «Ռեալի» կիսապաշտպանը։
