«Մանչեսթեր Յունայթեդը» հետաքրքրություն է ցուցաբերում «Բրենթֆորդի» 25-ամյա վինգեր Բրայան Մբեմոյի նկատմամբ։ Այս մասին հայտնում է Daily Star-ը։

Աղբյուրի տեղեկություններով՝ «կարմիր սատանաները» պատրաստ են կամերունցի ֆուտբոլիստի տրանսֆերի համար առաջարկել 40 միլիոն ֆունտ (47,6 միլիոն եվրո): Ընդգծվում է, որ «Մանչեսթեր Յունայթեդը» հաջորդ ամառ կփորձի ձեռք բերել Մբեմոյին։

Այս մրցաշրջանում հարձակվողը բոլոր մրցաշարերում մասնակցել է 23 հանդիպման, որոնցում դարձել է 13 գոլի և 4 գոլային փոխանցման հեղինակ։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2026 թվականի ամառը։

Transfermarkt-ը ֆուտբոլիստի արժեքը գնահատում է 50 միլիոն եվրո։