Լոնդոնի «Արսենալի» 27-ամյա եզրային պաշտպան Ալեքսանդր Զինչենկոն կարող է հեռանալ ակումբից։ Այս մասին հայտնում է Fotospor-ը։
Աղբյուրի համաձայն՝ Զինչենկոյին ձեռք բերելու հիմնական հավակնորդներն են «Ինտերը» և «Ֆեներբախչեն»։ Թուրքական ակումբը պատրաստվում է ֆուտբոլիստի տրանսֆերի համար 35 միլիոն եվրոյի առաջարկ անել, իսկ «Ինտերն» իր հերթին արդեն սկսել է «զինագործների» հետ տրանսֆերի շուրջ բանակցությունների գործընթացը։
«Ֆեներբախչեն» սպասում է «Ինտերի» և «Արսենալի» միջև բանակցությունների արդյունքին, նախքան Զինչենկոյի համար առաջարկ անելը։
2024/2025 մրցաշրջանում Ալեքսանդր Զինչենկոն ակումբային մակարդակով անցկացրել է 11 հանդիպում, սակայն արդյունավետ գործողություններով աչքի չի ընկել։ Transfermarkt-ը ֆուտբոլիստի արժեքը գնահատում է 30 միլիոն եվրո։
