«Մանչեսթեր Յունայթեդը» հետաքրքրություն է ցուցաբերում «Նապոլիի» վինգեր Խվիչա Կվարացխելիայի նկատմամբ։ Այս մասին հայտնում է L’Equipe-ը։
Նշվում է, որ մանկունիացիները «Նապոլիին» առաջարկել են վրացուն փոխանակել հարձակվող Մարկուս Ռեշֆորդի հետ, ով ցանկանում է հեռանալ ակումբից։ Աղբյուրը չի հստակեցրել, թե ինչ ձևով կարող են ակումբները փոխանակել ֆուտբոլիստներին, սակայն կողմերն արդեն բանակցություններ են վարել։
Ավելի վաղ հայտնի էր դարձել, որ Կվարացխելիայի նկատմամբ լուրջ հետաքրքրություն է ցուցաբերում ՊՍԺ-ն՝ արդեն հայտարարելով եզրային հարձակվողին 80 միլիոն եվրոյով գնելու ցանկության մասին։
