Անգլիացի մասնագետ Գրեհեմ Փոթերը բացատրել է, թե ինչու է ընդունել «Վեսթ Հեմի» առաջարկը։
Այսօր՝ հունվարի 9-ին, «Մուրճերը» հայտարարեցին Փոթերի՝ թիմի գլխավոր մարզչի պաշտոնում նշանակվելու մասին։
«Պատճառները շատ են։ Դա պատմություն է, ավանդույթ, ընտանեկան մթնոլորտ և աներևակայելի հավատարիմ և կրքոտ երկրպագուներ։ Այստեղ կա հետաքրքիր թիմ և փայլուն ակադեմիա, որը լավ երիտասարդ ֆուտբոլիստներ է տալիս, և ես ցանկանում եմ ծանոթանալ նրանց հետ և աշխատել նրանց հետ։
Ես ոչ միայն ճիշտ առաջարկի էի սպասում, այլ ճիշտ հնարավորության։ Կարծում եմ՝ ճիշտ ընտրություն եմ կատարել,- Փոթերի խոսքերն է մեջբերում «Վեսթ Հեմի» պաշտոնական կայքը։
«Վեսթ Հեմը» Պրեմիեր Լիգայի մրցաշարային աղյուսակում 14-րդն է։ Թիմը 20 խաղում վաստակել է 23 միավոր։
