Լոնդոնի «Արսենալը» մտադիր է ձմեռային տրանսֆերային պատուհանի ժամանակ ձեռք բերել «Յուվենտուսի» սերբ հարձակվող Դուշան Վլահովիչին։ Այս մասին հայտնում է TEAMtalk-ը։

Աղբյուրի համաձայն՝ ձմռանը «զինագործների» առաջնահերթ նպատակն է հարձակվող դիրքի ամրապնդումը։

Հիշեցնենք, որ Վլահովիչը «Յուվենտուս» է տեղափոխվել «Ֆիորենտինայից» 2022 թվականի ձմռանը։ Այս մրցաշրջանում սերբը բոլոր մրցաշարերում անցկացրել է 22 հանդիպում՝ դառնալով 12 գոլի և երկու գոլային փոխանցման հեղինակ։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2026 թվականի ամառը։