Հայտնի է դարձել, որ «Բարսելոնայի» վեց ֆուտբոլիստներ ծրագրել են բոյկոտել Իսպանիայի հավաքականի խաղերը՝ կիսապաշտպան Դանի Օլմոյի հետ կապված իրավիճակի պատճառով։
Ինչպես հայտնում է Diario AS-ը, Գավին, Պեդրին, Պաու Կուբարսին, Լամին Յամալը, Մարկ Կասադոն և Ֆերմին Լոպեսը ցանկանում էին դուրս գալ Իսպանիայի հավաքականից, եթե Օլմոն չգրանցվեր ընթացիկ մրցաշրջանի երկրորդ հատվածում։
Նշվում է, որ «Բարսելոնայի» ֆուտբոլիստները ցանկանում էին պատժից խուսափելու պատրվակ օգտագործել վնասվածքներն ու պատրաստվածության պակասը։
Հիշեցնենք, որ դատարանը կատալոնական ակումբին թույլ է տվել ժամանակավորապես գրանցել Օլմոյին մրցաշրջանի երկրորդ հատվածի համար՝ մինչև վերջնական դատավճռի կայացումը։
