«Ասթոն Վիլան» հետաքրքրված է «Սելտայի» եզրային պաշտպան Օսկար Մինգեսայի ծառայություններով։ Այս մասին հայտնում է հեղինակավոր ինսայդեր Ֆաբրիցիո Ռոմանոն։
Աղբյուրի փոխանցմամբ՝ «Ասթոն Վիլան» արդեն բանակցությունների մեջ է մտել իսպանական ակումբի հետ, սակայն մինչ այժմ լուրջ առաջընթաց չկա։
Նշվում է, որ Մինգեսան անգլիական թիմի գլխավոր տրանսֆերային նպատակներից է, քանի որ թիմի գլխավոր մարզիչ Ունաի Էմերին շատ է հավանում ֆուտբոլիստին։
Ընթացիկ մրցաշրջանում 25-ամյա իսպանացին խաղադաշտ է դուրս եկել Իսպանիայի առաջնության 17 հանդիպման, դարձել երկու գոլի և 5 գոլային փոխանցման հեղինակ։
Transfermarkt պորտալի պաշտպանի արժեքը գնահատում է 20 միլիոն եվրո։
