Մադրիդի «Ատլետիկոն» հետաքրքրված է «Լիվերպուլից» 27-ամյա վինգեր Ֆեդերիկո Կիեզայի ծառայություններով: Այս մասին X սոցիալական ցանցում (նախկինում՝ Twitter) հայտնում է լրագրող Էքրեմ Քոնուրը։
Աղբյուրի համաձայն՝ իտալացի ֆուտբոլիստին վարձակալելու տարբերակը դիտարկում են նաև «Նապոլին», «Յուվենտուսը» և «Ինտերը»։
Հիշեցնենք, որ Կիեզան «Լիվերպուլ» է տեղափոխվել «Յուվենտուսից» անցյալ ամառ։ Այս ընթացքում նա բոլոր մրցաշարերում մասնակցել է չորս հանդիպման, որոնցում դարձել է մեկ գոլային փոխանցման հեղինակ։
