«Էվերթոնի» և Անգլիայի հավաքականի դարպասապահ Ջորդան Պիկֆորդը ձմեռային տրանսֆերային պատուհանի ժամանակ կարող է փոխել ակումբային գրանցումը։
Ըստ լրագրող Էկրեմ Կոնուրի՝ 30-ամյա դարպասապահի ծառայություններով հետաքրքրված են «Բարսելոնան», «Չելսին» և «Բավարիան»։
Նշվում է, որ «Էվերթոնը» չի ցանկանում բաց թողնել խաղացողին, ակումբը մտադիր է երկարաձգել Պիկֆորդի հետ աշխատանքային պայմանագիրը մինչև 2030 թվականը։
Դարպասապահը 2017 թվականից հանդես է գալիս Toffees-ում։ Այս մրցաշրջանում նա 16 հանդիպում է անցկացրել Անգլիայի Պրեմիեր լիգայում, բաց թողել 21 գնդակ և յոթ անգամ կարողացել է անառիկ պահել դարպասը։
Պիկֆորդի պայմանագիրը «Էվերթոնի» հետ նախատեսված է մինչև 2027 թվականի ամառը։ Transfermarkt հեղինակավոր պորտալի տվյալներով՝ դարպասապահի արժեքը կազմում է 20 մլն եվրո։
