Դորտմունդի «Բորուսիայի» դարպասապահ Գրեգոր Կոբելը կարող է կարիերան շարունակել «Մանչեսթեր Յունայթեդում»։
Ինչպես հայտնի է դարձել TEAMtalk-ին, «Մանչեսթեր Յունայթեդի» գլխավոր մարզիչ Ռուբեն Ամորիմը բարձր է գնահատում Կոբելի ֆուտբոլային որակները և ցանկանում է, որ նա դառնա Անդրե Օնանայի մրցակիցը։
Նշվում է, որ պորտուգալացին արդեն հայտնել է տնօրենների խորհրդին 27-ամյա շվեյցարացու հետ պայմանագիր կնքելու իր ցանկության մասին։
Այս մրցաշրջանում Կոբելը բոլոր մրցաշարերում անցկացրել է 20 հանդիպում, բաց թողել 28 գնդակ և կարողացել է 6 անգամ անառիկ պահել դարպասը։ Դարպասապահի պայմանագիրը «Բորուսիայի» հետ նախատեսված է մինչև 2028 թվականը։
Transfermarkt պորտալը ֆուտբոլիստի արժեքը գնահատում է 40 միլիոն եվրո:
