Լոնդոնի «Արսենալը» հրաժարվել է մասնակցել Լիսաբոնի «Սպորտինգի» հարձակվող Վիկտոր Գյոկերեսի համար պայքարին։ Այս մասին խոսում է Transfer News Live-ը։

Արժե ասել, որ խոսակցությունները վաղուց կապում են Գյոկերեսին Եվրոպայի գրեթե բոլոր թոփ ակումբների հետ։ Շվեդ հարձակվողը բարձր արդյունավետություն ունի։ Այս մրցաշրջանում Վիկտորը 26 խաղում դարձել է 27 գոլի և 5 գոլային փոխանցման հեղինակ:

Հեղինակավոր Transfermarkt պորտալի փորձագետները Վիկտոր Գյոկերեսին գնահատում են 75 միլիոն եվրո: Շվեդի գործող պայմանագիրը նախատեսված է մինչև 2028 թվականի կեսերը: