«Լիվերպուլը» պատրաստ է ձմեռային տրանսֆերային պատուհանի ժամանակ ձեռք բերել ֆրանսիական ՊՍԺ-ի հարձակվող Ռանդալ Կոլո-Մուանիին։ Այս մասին սոցիալական ցանցերում հայտնել է լրագրող և ինսայդեր Ֆլորիան Պլետենբերգը։
Աղբյուրի համաձայն՝ մերսիսայդցիները պնդում են ֆրանսիացուն կարճաժամկետ վարձակալելու մասին։ Փարիզցիները ցանկանում են պոտենցիալ գործարքի մեջ ներառել գնման տարբերակը կամ գնելու պարտավորությունը։
Նախկինում մամուլում տեղեկություններ էին հայտնվել, որ Կոլո Մուանին կարող է տեղափոխվել «Մանչեսթեր Յունայթեդ», «Լայպցիգ» կամ «Մոնակո»։
Ֆրանսիացին ՊՍԺ է տեղափոխվել 2023 թվականի ամռանը Ֆրանկֆուրտի «Այնտրախտից» 95 միլիոն եվրոյի դիմաց։ Բոլոր մրցաշարերում անցկացրած 54 հանդիպումներում Կոլո Մուանին դարձել է 11 գոլի և 7 գոլային փոխանցման հեղինակ։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2028 թվականի ամառը։
