«Բարսելոնայի» կիսապաշտպան Պեդրին շուտով պետք է երկարաձգի պայմանագիրը կատալոնական ակումբի հետ մինչև 2030 թվականը։ Այս մասին հայտնում է լրագրող և ինսայդեր Թոնի Խուանմարտին։

Աղբյուրի համաձայն՝ ակումբը նախատեսում էր ավարտել թղթաբանությունը և երկարաձգել պայմանագիրն իսպանացու հետ մինչև 2024 թվականի վերջը։ Ինչպես նշվում է, Պեդրին գերմանացի մասնագետ Հանս-Դիտեր Ֆլիկի համակարգում առանցքային կիսապաշտպանն է։

Կիսապաշտպանի գործող համաձայնագիրը «բլաուգրանայի» հետ նախատեսված է մինչև 2026 թվականի ամառը։ Այս մրցաշրջանում 22-ամյա իսպանացին ակումբի կազմում անցկացրած 25 խաղում դարձել է 4 գոլի և 3 գոլային փոխանցման հեղինակ։