Բրազիլացի հարձակվող Նեյմարի հայրը հիշել է ֆուտբոլիստի տեղափոխությունը բրազիլական «Սանթոսից» կատալոնական «Բարսելոնա»։
Նեյմար հոր խոսքերով, Մադրիդի «Ռեալի» առաջարկը ֆուտբոլիստին այն ժամանակ ավելի շահավետ էր ֆինանսապես։
««Բարսելոնայի» հետ պայմանագիր ստորագրելն ամբողջությամբ Նեյմարի որոշումն էր։ Առաջարկներ ունեի «Բարսելոնայից» և «Ռեալից»։ «Ռեալի» առաջարկը երեք անգամ ավելի բարձր էր։ Իսկ Նեյմարն ասաց ոչ, քանի որ ցանկանում էր խաղալ «Բարսելոնայում»։
Նրա երազանքը «Բարսելոնայում» խաղալն էր»,- Նեյմարի հոր խոսքերն է մեջբերում Goal-ը։
Հիշեցնենք, որ այժմ բրազիլացին հանդես է գալիս սաուդյան «Ալ-Հիլալում»։
