Մադրիդի «Ռեալի» կիսապաշտպան Ֆեդերիկո Վալվերդեն բարձր է գնահատել հարձակվող Կիլիան Մբապեի ելույթները։
Ֆրանսիացին հաճախ էր քննադատվում մրցաշրջանի առաջին ամիսներին, սակայն վերջին հանդիպումներում նրան հաջողվեց տպավորիչ մարզավիճակ ձեռք բերել։
Հարձակվողը չորս հանդիպում անընդմեջ առանց գոլի չի մնացել, և այս ընթացքում նա նաև երկու գոլային փոխանցում է կատարել։
«Դուք կարող եք սխալներ թույլ տալ և վատ հանդիպումներ ունենալ, բայց կարևոր է լինել տոկուն և շարունակել առաջ շարժվել: Նա հզոր հարձակվողի իսկական օրինակ է մեր թիմի ֆուտբոլիստների համար։ Նա աշխարհի լավագույն ֆուտբոլիստներից մեկն է»,- ասել է Վալվերդեն «Սևիլիայի» հետ հանդիպումից հետո (4:2), որում Մբապեն դարձել է գոլի և գոլային փոխանցման հեղինակ։
