«Միլանի» ձախ պաշտպան Թեո Էրնանդեսը կարող է կարիերան շարունակել այլ առաջնությունում։

Չնայած գործակալի վերջին հայտարարություններին ֆրանսիացու՝ «Միլանում» մնալու մտադրության մասին, «ռոսոներիների» ղեկավարությունը պատրաստ է դիտարկել 2025 թվականի ամռանը նրան վաճառելու հնարավորությունը, եթե ընդունելի առաջարկներ ստանան։

Ինչպես հաղորդում է La Gazzetta dello Sport-ը, «Բավարիան» ուշադիր հետևում է իրավիճակին: Մյունխենցիները Էրնանդեսին տեսնում են որպես Ալֆոնսո Դեյվիսի պոտենցիալ փոխարինողի, ում պայմանագրի ժամկետը լրանում է մրցաշրջանի ավարտին:

27-ամյա Թեո Էրնանդեսի տրանսֆերային արժեքը, ըստ Transfermarkt պորտալի, կազմում է 50 մլն եվրո։