«Վեսթ Հեմի» վինգեր Մոհամեդ Կուդոսը կարող է տեղափոխվել «Մանչեսթեր Սիթի»։ «Քաղաքայինները» դիտարկում են գանացուն ձեռք բերելու հնարավորությունը արդեն հունվարին, երբ կբացվի ձմեռային տրանսֆերային պատուհանը։

Ինչպես հայտնում է Transfer News Live-ը, «Մանչեսթեր Սիթին» պատրաստ է մոտ 80 միլիոն եվրո առաջարկել 24-ամյա ֆուտբոլիստի համար։ Transfermarkt պորտալը Մոհամեդ Կուդուսի արժեքը գնահատում է 50 միլիոն եվրո։

Ընթացիկ մրցաշրջանում ֆուտբոլիստը դարձել է 3 գոլի և 2 գոլային փոխանցման հեղինակ՝ «Մուրճերի» կազմում մասնակցելով 14 հանդիպման բոլոր մրցաշարերում։ Ֆուտբոլիստի պայմանագիրը նախատեսված է մինչև 2028 թվականը։