Կատալոնական «Բարսելոնայի» կենտրոնական պաշտպան Պաու Կուբարսին «Ատլետիկոյից» կրած պարտությունից հետո դիմել է ակումբի երկրպագուներին։
«Ես պարզապես խնդրում եմ «Բարսելոնայի» երկրպագուներին լինել մեզ հետ այս դժվարին պահերին։ Դուք կտեսնեք, որ այս մրցաշրջանում մեզ շատ ուրախ պահեր են սպասվում։ Առաջնությունը շատ երկար է, և մենք պայքարելու ենք մինչև վերջ», – ասել է իսպանացի երիտասարդ պաշտպանը։
Հիշեցնենք, որ «Բարսելոնան» երեկ պարտվեց Մադրիդի «Ատլետիկոյին» և այսօր՝ Մադրիդի «Ռեալի» հաղթանակի դեպքում կարող է նահանջել մրցաշարային աղյուսակի երրորդ հորիզոնական։
