Մադրիդի «Ռեալի» ֆրանսիացի հարձակվող Կիլիան Մբապեն նշել է, որ ցանկանում է այս մրցաշրջանում նվաճել բոլոր գավաթները Մադրիդի «Ռեալի» հետ։
Երեկ մադրիդյան թիմը նվաճեց ՖԻՖԱ-ի միջմայրցամաքային գավաթը՝ եզրափակիչում հաղթելով «Պաչուկային» (3:0): Մադրիդցիների հարձակվողը դարձել է գոլի և գոլային փոխանցման հեղինակ:
Օգոստոսին «Ռեալը» նվաճեց Եվրոպայի սուպերգավաթը` հաղթելով «Ատալանտային» (2:0) – Մբապեն նույնպես գոլ խփեց այդ խաղում։
«Ամենակարևորը գավաթներն են: Գոլերն օգնում են տիտղոսներ նվաճել, բայց թիմը միշտ ամենակարևորն է։ Մենք շատ կարևոր տիտղոս նվաճեցինք։ Հնարավոր յոթից մենք հաղթեցինք առաջին երկուսը:
Իսպանիայի Սուպերգավաթը։ Ընդմիջումից վերադառնալուց հետո կփորձենք նվաճել նաև այդ տիտղոսը։ Մյուս գավաթները նույնպես շատ կարևոր են, բայց մենք պետք է օգտվենք այն ամենից, ինչ հիմա ունենք»,- ասել է Մբապեն:
