Մադրիդի «Ռեալը» չի ծրագրում հարձակվող Էնդրիկին վարձավճարով բաց թողնել։ Ընթացիկ մրցաշրջանում 18-ամյա ֆուտբոլիստը Կառլո Անչելոտտիի թիմի կազմում մասնակցել է 15 հանդիպման, ընդ որում՝ մեկնարկային կազմում ընդամենը մեկ անգամ։
Խոսակցությունները բրազիլացուն կապում են մոտալուտ վարձակալության հետ, սակայն այժմ նման սցենարը քիչ հավանական է թվում: Ինչպես հաղորդում է Relevo-ն, գերմանական մի քանի անանուն ակումբներ արդեն առաջարկներ են արել երիտասարդ հարձակվողի համար։
Մադրիդի «Ռեալը» մերժել է նրանցից յուրաքանչյուրին։ Էնդրիկը մադրիդյան գրանդի գույներով երկու գոլի և մեկ գոլային փոխանցման հեղինակ է դարձել։ Բրազիլացին Արքայական ակումբ է տեղափոխվել այս ամառ՝ «Պալմեյրասից»:
