«Մանչեսթեր Յունայթեդը» և «Մանչեսթեր Սիթին» հետաքրքրություն են ցուցաբերում ՊՍԺ-ի 21-ամյա կիսապաշտպան Խավի Սիմոնսի նկատմամբ, ով մինչև այս մրցաշրջանի ավարտը վարձավճարով հանդես է գալիս «Լայպցիգում»։ Այս մասին հայտնում է Caught Offside-ը:
Աղբյուրի համաձայն՝ հոլանդացի ֆուտբոլիստը չի կարող կարիերան շարունակել ՊՍԺ-ում այն բանից հետո, երբ ավարտվի «Լայպցիգում» վարձակալության ժամկետը:
Նշվում է, որ ֆուտբոլիստը հետաքրքրված է «կարմիր սատանաների» գլխավոր մարզիչ Ռուբեն Ամորիմի գլխավորությամբ աշխատելու հնարավորությունից։
Այս մրցաշրջանում Սիմոնսը բոլոր մրցաշարերում մասնակցել է 11 հանդիպման, որոնցում դարձել է երեք գոլի և երկու գոլային փոխանցման հեղինակ։ Ֆուտբոլիստի գործող աշխատանքային պայմանագիրը փարիզյան ակումբի հետ նախատեսված է մինչև 2027 թվականի ամառը:
